ام كلثوم اغنية فكرونى youtube وكلمتها

اسمعها Youtube

اضغط على الرابط

http://adf.ly/1Qf98B

كلمات اغنية فكروني ام كلثوم
كلموني تاني عنك فكروني فكروني
صحوا نار الشوق في قلبي وفي عيوني
رجعولي الماضي بنعيمه وغناوته
وبحلاوته وبعذابه وبقساوته
وافتكرت فرحت وياك قد ايه
وافتكرت كمان يا روحي بعدنا ليه
بعد ما صدقت اني قدرت انسى
بعد ما قلبي قدر يسلاك ويقسى
جم بهمسه وغيروني .. كانوا ليه ليه بيفكروني
بعد ما اتعودت بعدك غصب عني
بعد ما نسيت الأماني والتمني
كلمتين اتقالو شالوا الصبر مني
صحوا في عينيا حنينهم لابتسامك
صحوا سمعي يود كلمه من كلامك
صحوا حتى الغيره صحولي ظنوني
وابتدى قلبي يدوبني بآهاته
وابتدى الليل يبقى أطول من ساعاته
واسهر اسمع نبض قلبي بيناديلك
روحي فيك مهما جرى أنا روحي فيك
تسوى ايه الدنيا وانت مش معايا
هي تبقى الدنيا دنيا إلا بيك.
اللي فات وياك يا روحي بعود اليه
واللي عشته معاك رجعت أعيش عليه
بعد ما صدقت اني قدرت انسى
بعد ما قلبي قدر يسلاك ويقسى
جم بهمسه وغيروني .. كانوا ليه ليه بيفكروني
كلموني تاني عنك بعد طول حرماني منك
جرحوا الجرح اللي قرب يبقى ذكرى
سهروني أعيش لبكره وبعد بكره
يا حياتي انا كلي حيره ونار وغيره وشوق اليك
نفسي اهرب من عذابي نفسي ارتاح بين ايديك
والخصام والغدر وليالي الأسيّه كل دول ميهونوش حبك عليا
واللي جوا القلب كان في القلب جوا روحنا واتغيرنا احنا الا هو
هو نفس الحب واكتر هو نفس الشوق واكتر هوّا هوّا
اه يا حبيبي حياتي بعدك مستحيله
اه يا حبيبي الحياة أيام قليلة
ليه نضيع عمرنا هجر وخصام واحنا نقدر نخلق الدنيا الجميلة
بالوداد والقرب نجدد حياتنا بالحنان والحب نبدد اهاتنا
والجاي نعيشه احلى من اللي فاتنا
القمر من فرحنا هينور اكتر
والنجوم هتبان لنا اجمل واكبر
والشجر قبل الربيع هنشوفوا أخضر
واللي فات ننساه ننسى كل أساه
يلا نلحق من الزمن أيام صفاه
دي الحياة من غير لقانا مش حياه
واحنا مش هنعيش يا روحي مرتين
فكروني ازاي هو انا نسيتك
انت اقرب مني ليا يا هنايا
حتى وانت بعيد عليا أو معايا
تنتهي الأيام وتطوي العمر بينا
وانت حبك انت للأبد مالوش نهاية
حبك انت مالوش نهاية.